Sahɛlikungo jamanakuntigiw ye ɲɔgɔn kunbɛ taradon Feburuyekalo tile 25 Moritani faaba la Nuwakisɔki, jɛkulu ka laadala ɲɔgɔnyeba tako wɔɔrɔnan hukumu kɔnɔ. An ka jamanakuntigi Iburahimu Bubakari Keyita n’a tɔɲɔgɔnw, i n’a fɔ Ɔrɔki Mariki Kirisiyan Kabore ka bɔ Burukina Faso; Muhamadu Isufu Nizɛri ani Idirisi Debi Itino ka bɔ Cadi, u bɛɛ ye Moritani Masakɛ Mohamɛdi Ulidi Sɛki Ɛli Gazuwani ka wele jaabi.

Bɛnkan ninnu tara ɲɔgɔnye in kɛnɛ kan olu filɛ: Moritani masakɛ bila la Burukina Faso ta nɔnna jɛkulu ɲɛmɔgɔya la. O tɛmɛnen kɔ, kominike laban min ye lajɛ baaraw kuncɛ lakanako siratigɛ sahɛlikungɔ kɔnɔ, binkanniwale fɛn o fɛn kɛra Zesɛnki mara kɔnɔ kɛlɛbolow ni fasodenw ani sɔrɔ cakɛdaw kan, jamanakuntigiw y’a bɛɛ kɔn kominike in kɔnɔ. U ye jɛkulu jamana kelen-kelenna bɛɛ fo u ka cɛsiri n’u ka wulikajɔ la lakana sabatili la sahɛlikungo kɔnɔ.

O kominike kelen kɔnɔ, jamankuntigiw y’u sɔnnin sigi dantigɛlikan dɔ kan min tara Afiriki alimaniw, diinɛ ɲininikɛlaw ni diinɛɲɛmɔgɔw fɛ walasa ka danfara don silamɛya ni kulu marifatigiw binkannikɛlaw cɛ. O tɛmɛnen kɔ jamankuntigiw y’u ka dɛmɛ kuraya jatigɛwale kɛlɛli la jɛɲɔgɔnya siratigɛ la, ka fanga don Zesɛnki Sahɛli kɛlɛbolo la kunnafoniko ni mɛnɛ ko nasira fɛ kɛrɛnkɛrɛnnenya la kɛlɛkɛpankurn ko. U segin na wele kuraya diɲɛforobatɔnba lakana jɛkulu ma walasa G5 Sahɛli kɛlɛbolo ka bila sariyakisɛ 7nan hukumu kɔnɔ diɲɛforobatɔnba sariyasun na.

O bɔlen kɔ yen, Sahɛli masakɛw y’ u disi gosi bɛnkansɛbɛn dɔ bolonɔbilali ye Zesɛnki Sahɛli ni Erɔpu kelenyatɔn ani diiɲɛforobatɔn ni ɲɔgɔn cɛ kɛlɛkɛ minɛko siratigɛ la ka di Zesɛnki Sahɛli kɛlɛbolo ma. U y’u dɛmɛbaa bɛɛ wele kana Po / Pau lajɛ bɛnkanw labatoli ma, o min kɛra Zanwuyekalo tɛmɛnen Faransi. O kɔfɛ, u y’u waso ni G5 Sahɛli kɛlɛbolo taabola kan, ka sɔrɔ ka wele bila u jɛɲɔgɔnw ma, u ye layidukan minnu ta Birikisɛli san 2018,  u k’u bɔ a sira fɛ.

K’aw ladɔnniya ko san wɛrɛ lajɛ bolodara ka bila feburuyekalo tile 21 na Cadi jamana kan.

L’article Zesɛnki sahɛli: G5 Sahel ka laadala ɲɔgɔnyeba tako wɔɔrɔnan kɛra Moritani faaba la Nuwakisɔti est apparu en premier sur Agence Malienne de Presse et Publicité.



Avec AMAP

Laisser un commentaire

Your email address will not be published.

For security, use of CloudFlare's Turnstile service is required which is subject to the CloudFlare Privacy Policy and Terms of Use.

I agree to these terms.

Ce site utilise Akismet pour réduire les indésirables. En savoir plus sur comment les données de vos commentaires sont utilisées.