Kɛnyɛrɛyejɛkulu min bɛ wele angilɛkan na “Save the Children” o ye kalanbon 22 jɔ Sikasso sɛrɛkili dugu wolɔnwula ye
Afrique

Kɛnyɛrɛyejɛkulu min bɛ wele angilɛkan na “Save the Children” o ye kalanbon 22 jɔ Sikasso sɛrɛkili dugu wolɔnwula ye


espace libre

Sirakɔrɔba, Finibugu, Zanikodugu, NCɔso, Zanferebugu, Kabale ani Kuyila, nin dugu wolɔnwula de ye kalanbon 22 ni baarakɛminɛw sɔrɔ juma tɛmɛnen. Kalanbon ninnu bɛɛ jɔra kɛnyɛrɛyejɛkulu “Save The Children” fɛ gɔfɛrɛnaman ka jɛɲɔgɔnya kɔnɔ, u kɔnnɛgɛdi lajɛ kɛra sirakɔrɔba Ɲɛna Komini na.

Jamana kalanko minisiri Mahamadu Famanta ni Sikaso mara ɲɛmɔgɔba ka ciden Hamadun Bari tun b’a kɛnɛ kan, fo ka se “Save The Children” cakɛda nin b’an fɛ yan Mali kɔnɔ, o kuntigiba Amawi Akipamagibo ni Ɲɛna komini Mɛri Seriba Jalo ma. Baara in musaka munɛ bɛnna sefawari miliyɔn 200 ma, kalanbon ninnu bɛ seka kalanden 1.000 kunbɛ.

Minisiri Famanta y’a jir’a ka kɔrɔfɔ kɔnɔ ko nin waleɲuman in bɛ kɛnyɛrɛyejɛkulu “Save The Children” ka wulikajɔ n’a ka cɛsiri sɛmɛntiya Mali kalanko ɲɛtaa la. A ko nin kalanbon ninnu bɛ bɛna kɛ sabu ye ka dɔ fara denmisɛnni kalannenw kan Sikaso mara kɔnɔ. Minisiri da sera fana “Save The Children” ka waleɲuman tɛmɛnen dɔw ma ka ɲɛsin kalanko ma, i n’a fɔ lakɔlikaramɔgɔ dege, kalaminɛ caman dili kalansow la ani lakana sabatili majamunni kalanyɔrɔw la.

O tɛmɛnen kɔ, Save The Children cakɛda ɲɛmɔgɔ y’a jira ko nin lajɛ in nafa ka bon ale bolo kosɛbɛ, sabula k’a bɛ tali kɛ denmisɛnw ka kalan ɲuman sɔrɔli kan, ko y’ale ka jɛkulu hamiko kunbaba dɔ ye. A ye barikada kɛ u jɛɲɔgɔn jamanaw ye, i ni fɔ Koredinɔri, Itali ani Lameriki.

Min ye Ɲɛna komini Mɛri ye, Ale jira k’olu nisɔndiyalen don kosɛbɛ kɛnyɛrɛyejɛkulu “Save The Children” ka nin waleɲuman na, ko nin jumadon feburuyekalo tile 14 in bɛ t’olu hakili la.

Siyaka Sogoba

L’article Kɛnyɛrɛyejɛkulu min bɛ wele angilɛkan na “Save the Children” o ye kalanbon 22 jɔ Sikasso sɛrɛkili dugu wolɔnwula ye est apparu en premier sur Agence Malienne de Presse et Publicité.

espace libre


Avec AMAP

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.